GENERAL SANTOS CITY – Mukapin na sa 200 ka mga medical frontliners sa Polomolok South Cotabato ang naturukan sa Covid 19 vaccine gamit ang Sinovac, kini ang gikumpirma ni Vice Mayor Xavier Bayan sa Bombo radyo.
Matud niini, nagasunod ang ilang lokal nga panggamhanan sa priority list nga prayoridad ang mga medical frontliners sa mga angayang mabakunahan .
Apan gibutyag ni VM Bayan nga ning panahuna aduna nay gigamit nga Astrazeneca vaccine sa pagbakuna kung asa ang maong bakuna ang gipili sa pipila ka mga health workers.
Nagpasalamat ang nasangpit nga opisyal sa pagsunod sa mga katawhan sa mga minimum health protocols nga nagresulta sa pag-ubos na sa COVID 29 cases sa Polomolok kumpara sa miaging semana.
Sa pamahayag sa opisyal, aduna silay operation yawyaw nga ginapahigayon sa Polomolok aron pahinumduman ang mga katawhan sa pagsunod sa mga patakaran aron malikayan nga matakdan sa COVID 19.
