GENERAL SANTOS CITY – Kapin 2,000 ka mga kandidato sa Barangay ug Sangguniang Kabataan (SK) elections ang mipailawom sa vountary drug test sa probinsiya sa South Cotabato ug miapas una nahuma ang campaign period kaganihang tunga sa kagabhion.
Kini ang gikumpirma ni Police Senior Supt. Nestor Salcedo, provincial director sa South Cotabato.
Matud kang Salcedo miapas ang mga kandidato sa mga lugar sa Norala ug Sto. Nino gikan sa napulo ka lungsod ug munisipyo sa nasampit nga probinsya.
Dugang pa sa opisyal nga overwhelming ang positibong tubag sa mga kandidato sa drug test challenge sa kapulisan katambayayong ang Department of Interior and Local Government (DILG) ug Commission on Elections (Comelec).
Sukad gipahigayon ang drug test, wala matud pay gikataho nga nagpositibo sa mga kandidato sa probinsiya.
Samtang, mag-imbestiga ang kapulisan sa gikataho nga nakumpiskang sako-sako nga bugas sa Tboli nga matud pa gipanghatag sa mga botante.
