GENERAL SANTOS CITY – Anaa sa kinatibuk-ang 19,373 ka mga tawo ang gikataho sa National Disaster Risk Reduction Management Council nga apektado sa paghuros sa bagyong Aghon sa nasud.
Basi sa situational report sa ahensiya gikan sa naasoy nga ihap adunay kinatibuk-ang 8,450 pamilya gikan sa 158 ka barangay ang gihuros sa bagyo sa Luzon lakip sa Visayas samtang migawas sa maong taho ang Bicol region ang nakatala ug pinakadaghan nga ihap sa mga naapektuhan nga indibidwal nga mitala sa 10,349 kung asa pito niini nakaangkon ug injuury gumikan sa maut nga panahon.
Kalabut niini gibanabanaang mukabat sa 5,343 ka mga indibidwal ang nawad-an ug pinuy-anan samtang mukabat usab sa 2,162 usab sa mga nahisgutang ang mipasilong sa mga evacuation center samtang naa sa 3,181ang nakipuyo sa ilang mga kaila ug mga kabanay. Sa pagka-karon wala pay nadawat nga may namatay, missing o kadaut sa agrikultura ug imprastraktura sa ahensiya kalabut sa pag-igo sa labing una nga bagyo karong tuiga sa nasud.
Gilayon usab nakapanghatag ug food packs ang gobyerno sa mga biktima.
