GENSAN- Nanawagan si Police Captain Lamberto Rabino Jr., hepe sa Traffic Enforcement Unit (TEU) Gensan, sa tanang mga drayber sa dakbayan nga magmatngon ug tumanon ang balaod sa trapiko aron malikayan ang mga disgrasya sa kadalanan.
Ang panawagan ni Capt. Rabino misunod human mitaas sa halos 1,500 ang natala nga mga aksidente sa General Santos City sukad Enero hangtod Oktubre ning tuiga, diin 45 ka tawo ang namatay.
Matud pa niya, daghan sa mga aksidente resulta sa kakulang sa disiplina sa pagmaneho, sama sa overspeeding, pag-text o paggamit sa cellphone samtang nagmaneho, ug pag-inom og ilimnong makahubog sa wala pa o samtang nagmaneho.
Gipanghinaut sa TEU chief nga pinaagi sa hugot nga pagpatuman sa traffic laws ug edukasyon sa mga motorista, maminusan ang aksidente ug maprotektahan ang kinabuhi sa mga motorsiklo.
