GENERAL SANTOS CITY – Gipaklaro ni Dr. Alvin Alejandro, labaw sa Provincial Health Office sa Sarangani nga wala pa nagdeklara og state of calamity gumikan sa dengue ang probinsya bisag anaa na sa 1,247 ang katibuk-ang kaso og unom ang patay sa tuig 2019.
Matud pa ni Dr. Alejandro nga kung basehan ang criteria nga kung lagpas sa epidemic threshold ang kaso sa dengue pwede na nga magdeklara og state of calamity.
Sa bahin sa Sarangani ang Maitum lang ang sobra sa epidemic threshold og angayang may duha ka munispyo nga anaa sa maong status sa dengue pwede na nga ideklara ang state of calamity sa tibook probinsya.
Ang gihimo karon sa probinsya mao ang padayong kampanya sa katawhan nga manglimpyo sa palibot.
Gihingusgan ni Dr. Alejandro nga sa sulod sa panimalay manukad ang tanan nga manglimpyo aron walay maitlogan ang mga lamok.
Angayang ang tanan magtinabangay og dili lang pipila ang manglimpyo.
Sa pamahayag ni Dr. Alejandro nga sa katibuk-ang kaso sa Sarangani 38% ang gikan sa Maitum.
Ang Maitum nga anaa sa state of calamity gumikan sa dengue ang walay namatay.
Samtang usa ang patay sa Alabel og Malapatan kung asa duha ang patay sa Malungon og Maasim.
