GENERAL SANTOS CITY- Nanginahanglan og mga enumerators ang Philippine Statistics Authoritry kon PSA Sarangani alang sa matigayon nga 2020 national census.
Matud pa ni Supervising statistical especialist Marifi De Asis, anaa sa 607 ka enumerators ang kinahanglan sa GenSan og 532 sa bahin sa Sarangani Province.
Mas maayo nga suhito sa lugar ang mahimong enumerators aron sayon sa ilang bahin ang trabaho.
Ang mga enumerators ang makadawat og P409 nga suweldo matag adlaw gawas pa sa meal allowance nga ihatag.
Gi-awhag ang mga buot nga mag-apply nga muadto sa buhatan sa PSA sa Santiago Boulevard ning syudad aron masayod sa mga angayang himuon og kinsa ang mga kuwalipikado.
Hugot ang gihimong preparasyon sa PSA Sarangani alang sa matigayong 2020 national census nga sugdan sa bulan sa Septiembre.
