GENERAL SANTOS CITY – Miapila karon ang DepEd sa mga ginikanan nga ipa-enroll ang anak nga pwede nang makatungha kung wala pa maka-enroll alang sa school year 2020- 2021.
Superintendent
Matud pa ni Dr. Romelito Flores, GenSan Deped Superintendent, kapin pa sa 10,000 ka mga estudyante sa dakbayan kon 11% ang wala naka-enroll hangtud karon.
Sa rekord, kapin sa 162,500 pa lang ang naka-enroll itandi sa miaging tuig nga enrollment nga kapin sa 178,000 ang na tala.
Gibutyag niini, anaa sa 89% pa lang ang enrollment sa syudad kung asa 98% sa mga pampublikong mga tulunghaan og 47% sa mga pribadong eskwelahan.
Pwedeng mutawag sa hotline number nga gihatag sa matag eskwelahan o makig-alayon sa mga magtutudlo.
Adunay halos usa ka semana pa una ang pag-abli sa klase sa Oct. 5 aron makahigayon sa pagpa-enroll sa mga kabatan-unan.
Hinuon, gipaklaro ni Flores nga bisag lagpas na sa maong petsa dawaton gihapon sa eskwelahan ang mga ‘late’ enrollees.
Gibutyag nga kasagaran sa mga estudyante ang nag-enroll sa modular nga anaa sa kapin sa 127,000 samtang sa online anaa sa 13,000 ang mga estudyante.
Giangkon ni Flores nga daghang hagit nga ilang giatubang ning panahon sa pandemya apan dili magpalupig.
