Naapektuhan sa hulga sa rain-induced landslide o pagdahili sa yuta tungod sa ulan ug flashfloods ang kapin 10,327 ka barangay sa Luzon tungod sa paglig-on pag-usab sa hanging habagat.
Base kini sa 72-hour rainfall forecast sa state weather bureau ug sa updated monitoring report sa Department of Environment and Natural Resources – Mines and Geosciences Bureau o DENR-MGB.
Ang tibuok Luzon naapektuhan sa bag-ong forecast nga naglangkob sa mosunod nga mga rehiyon: Region 1 nga adunay 1,651 ka barangay; Region 2, 1,361; Cordillera Administrative Region o CAR, 849; National Capital Region o NCR, 1,151; Region 3, 2,889; Region 4A, 1,491; Region 4B, 638; ug Region 5, 297.
Wala usab gisalikway sa weather bureau ug MGB ang posibilidad nga modaghan pa ang ihap sa mga barangay nga mahimong maapektuhan sa kalamidad, ilabina kung mograbe pa ang kahimtang tungod sa habagat.
