-- ADVERTISEMENT --
GENERAL SANTOS CITY – Kapin libo ka mga unit sa pabalay nga alang sa mga kapulisan ug kasundaluhan dinhi sa dakbayan ang daw sa wala na napuslan ug napasagdan na.
Gitawag kining Guardian Hill nga nahimutang sa Upper London, Brgy Bawing, kung asa gibutyag ni Kapitan Jerry Jugarap nga proyekto kini sa nakalabay’ng administrasyon.
Gisugdan matud pa kini kaniadtong 2013 ug nahuman pagka-2014, apan wala gihapon gipuy-an.
Sa iyang nasayran, may mga tag-iya na matud pa ang nahisgutang mga balay luyo nga walay nagpuyo, hinungdan nga nangaguba na lang, gipangkawat ang mga gamit ug gipangtubuan nag mga sagbot.
Nasayran nga nindot na unta ang nasampit nga pabalay gumikan may tubig, eskwelahan, gym ug uban pang pasilidad.
-- ADVERTISEMENT --
