Aminado si Senador Ronald “Bato” Dela Rosa nga mamahimong maduot si kanhi Pangulong Rodrigo Duterte sa maduguong drug war gumikan sa mga pag-angkon niini sa gihimong pagdungog sa Senate Blue Ribbon Committee.
Gipahayag pa ni Dela Rosa nga under oath o nanumpa ang kanhi pangulo sa dihang gihimo niini ang iyang pag-angkon nga gimando ang pagpatay sa mga nalambigit sa iligal nga droga.
Matod pa ni Dela Rosa, dili niini masultihan sa pagsulti si Duterte gumikan kay ingon niini manulti ang kanhi presidente.
Sa pagdungog sa Senate Blue Ribbon Committee, giangkon ni Duterte ang tanang responsibilidad ug gikanayong dili idamay ang mga pulis gumikan kay gisugo lamang kini sa giyera batok sa iligal nga droga.
Dugang gipahayag pa niini nga pwedeng magamit ang gipangsulti sa kanhi presidente ilabi na nga under oath ang nahisgutan.
Nagdepende na lamang kini kang Duterte kung paunsa depensahan ang kaugalingon gumikan kay gihagit niini ang nag-imbestiga nga mupasaka ug kaso batok kaniya kung adunay ebidensya.
