Kanhi-women’s national basketball player nga si Vicki Brick nitaliwan na sa edad nga 43

Nitaliwan na ang kanhi women’s national basketball player nga si Vicki Brick sa edad nga 43. Gikumpirma sa iyang pamilya nga dili na niya maagwanta ang iyang pakigbugno sa ovarian cancer.

Ang Filipino-American guard nagduwa para sa Maryland sa US NCAA. Nagduwa siya sa Philippine Team o naila karon nga Gilas Pilipinas Women ubos ni coach Fritz Gaston.

Kauban siya sa nasud nga nakadaog sa bronze medal sa 2007 Southeast Asian Games nga gipahigayon sa Nakhon Ratchasima.

Pagkahuman sa pagdula, gipangulohan niya ang negosyo sa pamilya sa Baltimore, Brick Bodies Fitness.