GENERAL SANTOS CITY– Makabuhi og patay ang mga istorya sa mga lider nila sa kalihukan apan ang tanan gisaad kaniya ang wala natuman.
Kini ang gibutyag ni Alias JP, usa ka former rebel dihang nibisita sa sibyahanan og gisaysay ang kasinatian niadtong panahon nga siya miembro sa rebeldeng grupo nga galihukan Sarangani Province.
Matud pa niini, 2015 siya misulod sa Guerilla Front 71 sa NPA ubos kang kumander Dong hangtod nga siya nahimong squad leader.
Ang rason sa pagsurender tungod dili na niya ma-agwanta ang lisod nga sitwasyon samtang anaa sa kabukiran og nakig-gyera batok sa gobyerno.
Gibutyag niini nga gabalhin-balhin sila og lugar tungod sa kahadlok nga ma-apsan sa militar hinungdan nga walay tarong tulog og kaon.
Sa sinugdanan pa lang dihang misulod sa kalihukan, gipasaligan siya nga tagaan ug bugas ang iyang pamilya og may dawaton nga P6,000 matag bulan apan wala matuman.
Sa pamahayag ni Alias JP nga mga tribal leaders, pari og pastor ang gadala kanila sa kalihukan.
Nanawagan kini sa uban pang NPA nga anaa pa sa kabukiran nga magsurender na og manginabuhi og malinawon kauban ang pamilya pinaagi sa tabang sa gobyerno.
