Gilatag ni kanhi senate President Juan Miguel Zubiri ang mga hisgutanan nga gusto niyang madunggan sa ikatulo nga State of the Nation Address ni Pangulong Ferdinand Marcos Jr. ugmang adlawa Hulyo 22.
Matud sa Senador nga pipila sa mga hisgutanan nga idiga sa Pangulo ang mga lakang sa gobyerno sa pagtubag sa inflation aron mapaubos ang presyo sa mga palaliton apil niini ang bugas aron masiguro ang benipisyo sa matag Filipino.
Gusto usab madunggan sa Senador ang pagtaas sa sweldo sa mga minimum wage workers nga hilabihang apektado gumikan sa pagtaas sa inflation aron matabangan sa inadlaw nga panginahanglan.
Nakulangan ang Senador sa bag-ong umento sa sweldo aron matabangan ang mga Filipino nga makigdungan sa taas nga presyo sa palaliton.
Lakip gibutyag kung adunay resolosyon kung unsa ang himuon sa mga isyu nga naglimin sa Philippine Offshore Gaming Operators sama sa iligal nga aktibidad nga nadeskubre sa mga otoridad sa gilusob nga POGO hub.
