Sayo nga giharana si kanhi Senador ug boxing icon Manny Pacquiao karong adlawa sa iyang mansyon nga nahimutang sa Mateo Road, Barangay Bula, ning dakbayan sa Heneral Santos, isip kabahin sa pagsaulog sa iyang ika-47 nga adlaw nga natawhan.
Ang maong kalihukan gipangunahan ni Police Col Nicomedes Olaivar Jr., uban sa pipila ka GSCPO personnel nga mipakita sa ilang respeto ug pagpasalamat sa kanhi senador nga nailhan dili lamang sa natad sa sports kondili usab sa serbisyo publiko.
Sa maong harana, gipadayag ang pag-ila sa kontribusyon ni Pacquiao sa nasud, ilabina sa iyang papel isip inspirasyon sa kadaghanang Pilipino tungod sa iyang kalampusan, disiplina, ug pagtoo.
Mapasalamaton usab nga gidawat ni Pacquiao ang maong harana, diin gipadayag niya ang iyang pasalamat sa mga mipahigayon sa kalihukan ug sa padayong suporta sa katawhan sa General Santos City.
Ang sayong buntag nga harana nahimong simple apan makahuluganon nga paagi sa pagsaulog sa adlawng natawhan sa usa sa pinakapopular nga personalidad nga gipahimakas sa syudad ug sa tibuok nasud.
