Direktang gidala si kanhi Negros Oriental Representative Arnulfo “Arnie” Teves, Jr. National Bureau of Investigation (NBI) headquarters gikan sa Villamor Air Base gabii human sa iyang pagpalagpot gikan sa Timor-Leste, diin siya nangayo og asylum.
Miabot kini sa tugpahanan alas 11:50 sa gabii ug mipailawon dayon kini sa booking procedures ug medical examination sa NBI headquarters sa Pasay City.
Ingon man nga miabot usab sa headquarters ang legal counsel ni Teves nga si Ferdinand Topacio ug ang inahan ni Teves.
Diin si Topacio una ng miingon nga wala silya tugoti nga makigkita sa iyang kliyente pag-abot niini sa Villamor Air Base gumikan gidala dayon si Teves sa buhatan sa NBI hinungdan nga wala na sila kahigayon nga magkita.
Apan, iyang gidayeg si NBI Director Jaime Santiago tungod sa pagtugot ni kanhi Rep. Arnie Teves nga magpabiling una sa ilang buhatan aron makapahulay sa dili pa kini ibalhin sa Jaol Facility human sa taas nga biyahe gikan sa Timor Leste. Samtang, miluwat og video message si Presidente Ferdinand R. Marcos Jr. diin gipaambit niini nga panahon na nga atubangon ni kanhi Negros Oriental Rep. Arnolfo Teves Jr. ang mga kasong kriminal nga gipasaka batok kaniya ning nauli na kini sa Pilipinas. Diin ang malampuson nga pagpabalik ni Teves sa nasud kay gikalipay, ingon man giabiabi ni Marcos ang desisyon sa Timor-Leste.
Namatikdan niya nga una siyang gipahibalo sa kalamboan ni Timor-Leste Prime Minister Xanana Gusmão atol sa bag-o lang natapos nga 46th Association of Southeast Asian Nations Summit sa Kuala Lumpur, Malaysia.
Dugang pa ni Marcos nga daw dili kini mahitabo kung wala ang tabang ni Presidente José Ramos-Horta ug Punong Ministro Gusmão kinsang milihok pag-ayo sa proseso aron hingpit na kining mahibalik sa nasud.
