Gibutyag ni kanhi PNP Chief General Nicolas Torre III nga walay siyay kalain sa buot human kining gitaktak isip hepe sa nasudnong kapulisan.
Sa interbyu sa House of Representatives, si Torre niingon nga suportado gihapon niya si Presidente Bongbong Marcos ug wala siya’y pagmahay.
Giangkon sa kanhi hepe PNP nga iyang gidawat nga walay permanenteng posisyon.
Dili usab gustong motubag si Torre kon modawat ba siya og bisan unsang posisyon sa gobyerno ug mas maayong maghulat sa opisyal nga anunsyo kon matanyag siya.
Gikompirma sa opisyal nga gikatakdang mo-file siya og leave of absence tungod kay hangtod karon usa pa siya ka pulis.
Matod niya nga wala pa’y hisgot nga turnover ilabi na nga wala pa’y notice ug 4-star general pa siya.
Bisan pa sa maong mga sirkumstansya, gibutyag ni Torre nga dili siya bitter ug gani, andam siyang mohatag og tambag ngadto sa bag-ong PNP Chief, PLt.General Jose Melencio Nartatez, kinsa iyang gitawag nga “very good police officer.”
Giklaro usab ni Torre nga “in good terms” kuno sila ni DILG Secretary Jonvic Remulla.
