-- ADVERTISEMENT --
GENERAL SANTOS CITY-Gibutyag ni Police Major Richard Ybañez, hepe sa Tambler Police Station nga kanhi rugby boy og priso sa Lanton City Jail ang biktima sa pagpamusil-patay nga si Jelord Gilbuena nga taga Baluan ning syudad .
Matud ni Ybañez nga natigayon ang pagpamusil sa usa ka pwesto sa Barangay Calumpang nga gabaligya ug bugas apan naglisod sa pag-ila sa mga suspek tungod nagsul-ob ug facemask.
Giangkon usab sa opisyal nga walay nakaila sa mga suspek luyo nga adunay CCTV sa lugar apan wala gaandar hinungdan nga wala makuhaan ug video.
Giangkon sa opisyal nga kini na ang ikaduhang shooting incident nga nahitabo sa ilang area of responsibility sulod lamang sa usa ka semana.
-- ADVERTISEMENT --
