Nagtuo si Manila 6th District Rep. Bienvenido Abante nga liable for crimes against humanity si kanhi Pangulong Rodrigo Duterte.
Gibutyag ni Abante nga angayan nga manubag ang kanhi Pangulo sa mga nahitabo nga pagpatay.
Mamahimo matud pa nga kasuhan ang kanhi Pangulo ug pagsupak sa Republic Act No. 9851 kon Philippine Act on Crimes Against International Humanitarian Law, Genocide, ug uban pang Crimes Against Humanity.
Sa pag-atubang ni Duterte sa Senate Blue Ribbon Committee miaging adlaw giangkon niini ang legal nga tulubagon sa mga gihimo sa kapulisan kalabutan ang iyang war on drugs kung asa gibanabanaang 12,000 hangtud 30,000 ka Pilipino ang namatay.
Ilawom matud pa sa Section 10 sa RA 9851 nakabutang ang prinsipyo sa command responsibility kung asa ginapatubag ang opsiyal sa mga nahimo sa iyang mga sakop.
Gikadugang usab ni Abante nga apil usab ang mga pagpatay kalabut sa drug war sa crime against humanity basi sa RA 9851.
Gani magamit usab sa international criminal court ang mga nahimong pahayag ni Duterte sa Senado kung asa nanumpa kini nga musulti sa tinuod.
