Giangkon ni kanhi Pangulong Rodrigo Duterte nga gimandu-an niini ang mga kanhi hepe sa Philippine National Police nga awhagon ang mga suspected criminals nga musukol ug makig-away sa mga otoridad aron may rason sila nga patyon.
Kini ang giangkon ni Duterte sa imbestigasyon sa Senate blue ribbon subcommittee kalabut sa maduguong war on drugs sa iyang administrasyon.
Wala usab gipalampas ni Senadora Risa Hontiveros ang pahayag sa kanhi pangulo. Giangkon usab ni Duterte nga may death squad sa Davao apan dili mga pulis kundi mga gangster.
Adunahan matud pa ang mga nahisgutan ug andam mupatay ug mga krimimal nga anaa sa pito ka buok miyembro ang iyang death squad.
Giangkon sa kanhi pangulo, iyang ikumpisal nga gipapatay niini ang mga kriminal ug nilibu ang ihap sa gipatumba nga kriminal dihang siya pa ang Mayor sa Davao.
Pagpaklaro ni Duterte nga wala niini ginabayran ang miembro sa iyang death squad tungod may mga kwarta ang mga nahisgutan.
Gibutyag ni Hontiveros nga “bombshell” ang giingon ni Duterte nga may death squad police man o dili ang nalambigit.
Kini matud pa ang ginasusi kung gihimo sa Davao City ang nahimong template sa drug war sa tibuok nasud dihang Pangulo kini sa nasud.
