GENERAL SANTOS CITY – Gidakop sa mga sakop sa Criminal Investigation and Detection Group (CIDG) si kanhi Negros Oriental Governor Pryde Henry Teves sa kaso may kalabutan sa matud pa pagkalambigit niini sa terorismo.
Gidakop si Teves, igsuon sa gipalagpot nga si Negros Oriental Representative Arnolfo Teves Jr., sa didto sa Dumaguete City bandang alas-8:15 sa buntag adlaw nga Huwebes tungod sa pagsupak sa The Terrorism Financing Prevention and Suppression Act of 2012.
Giisyu ang arrest warrant ni 7th Judicial Region, Branch 74 sa Cebu City kaniadtong Mayo 13, 2024 nga may gitakda nga piyansa nga P200,000.
Nasuta nga anaa sa listahan ang kanhi gobernador sa top Most Wanted Persons (MWP) sa provincial ug regional level.
Kaniadtong Agosto, gitumbok sa Anti-Terrorism Council (ATC) ang managsuon nga Teves kauban ang laing dose pa nga apil mga terorista tungod sa matud pa pagkalambigit sa mga nahisgutan sa pipila ka murder incidents ug harassment sa Negros Oriental sa mga nakalabay nga tuig.
Lakip sa mga insidente ang pagpatay kang Negros Oriental Governor Roel Degamo kaniadtong Marso 2024 nga nagresulta usab sa pagkamatay sa pipila ka inosenteng sibilyan.
