GENERAL SANTOS CITY – Padayon ang imbestigasyon sa kapulisan sa pagpamusil patay asa usa ka mediaman sa Purok Santa Cruz, Barangay Dadiangas West dinhi sa dakbayan sa Heneral Santos
Matud ni Police Major Renato Dungca Jr., ang Chief of Police sa Pendatun Police Station giila ang biktima nga si Manuel “Maning” Malinao 73 anyos ug residente sa naasoy nga lugar.
Gibutyag niini nga personal grudge kabahin sa land conflict ang nakita nga motibo sa pagpamusil.
Matud sa opisyal, base sa ilang nakuha nga impormasyon, pipila ka higayon na matod pa nga gipatawatag sa Barangay ang biktima kalabotan sa land conflict.
Nasayran nga dead on the spot ang biktima nga usa usab ka government worker human gipusil sa wala mailhing suspek nga sakay sa motorsiklo kaganihang buntag.
Nakaangkon kini og mga samad sa iyang ulo ug lawas nga nahimong hinundan sa iyang hinanaling kamatayon.
