GENERAL SANTOS CITY – Nasuta nga may kanhi na nga nadawat nga bahad sa kinabuhi si Donald Cabigas nga kanhi labaw sa Civil Security Unit kon CSU nga napusilan patay sa Tuazon St. Poblacion, sa Polomolok, South Cotabato.
Matud pa ni P/Lt Col. Marin Duadua, chief of police sa Polomolok, South Cotabato nga ang maong anggulo ang ilang hugot nga gitutukan sa paglaum nga magresulta sa positibong imbestigasyon.
Sa pamahayag sa nasampit nga opisyal nga upat na ka mga CSU members sa Polomolok ang gipusil patay sa mga responsable.
Sa iyang pamahayag nga managlahi ang motibo sa kremin nga gitutukan sa imbestigasyon sa kapulisan.
Ang labing ulahing CSU member nga dungan nga gipusil patay mao silang
Jessie Arciete, 56 anyos og Bonifacio Cabisada, 58 anyos nga hangtud karon wala pay matudlo sa hingpit nga mga responsable.
