Gipusil patay ang Kanhi Minnesota House Speaker Melissa Hortman ug iyang bana sa ilang balay sa Brooklyn Park niadtong Sabado (lokal nga oras).
Ang mga awtoridad nag-ingon nga usa ka tawo nga nagpakaaron-ingnong pulis ang mipusil kanila.
Gitawag ni Gov. Tim Walz ang insidente nga usa ka “politically motivated assassination.”
Si Senador John Hoffman ug ang iyang asawa nasamdan usab sa usa ka bulag nga pag-atake sa Champlin, pipila lang ka milya gikan sa balay ni Hortman.
Ang suspek giila nga si Vance Boelter, 57, kanhi political appointee ni Senador Hoffman.
Sumala sa imbestigasyon, si Boelter nagdala og “No Kings” nga mga pamphlet ug mga listahan sa iyang mga biktima uban sa mga ngalan sa ubang mga magbabalaod, lakip na ang mga opisyal sa katungod sa pro-aborsyon.
Sa laing bahin, ang Federal Bureau of Investigation (FBI) nagtanyag og $50,000 nga reward alang sa impormasyon nga motultol sa nahimutangan sa suspek.
Gitambagan usab ang publiko nga i-report dayon sa mga otoridad ang bisan unsang impormasyon kalabot sa nahimutangan sa suspek.
