Kanhi chairman sa komitiba sa transportasyon sa syudad positibo nga masulbad sa kasamtangang administrasyon ang problema sa tricycle

GENERAL SANTOS CITY – Positibo si Kag. Dominador Lagare Jr., nga maresolba sa panahon ni Mayor Lorelie Pacquiao ang problema sa tricycle bisag may bangi tali sa kasagarang mga city councilors.

Gitambagan niya ang publiko nga magpaabot sa igong panahon human nga gidelatar matud pa ang hisgutanan sa mga mayorya sa mga miembro sa konseho.

Hinoon walay gibutyag nga igong detalye ang nasampit kung asa iyang giangkon nga nasayod siya kung unsa ang solosyon sa maong problema.

Kahinumduman nga sa miaging session gipulihan si Kag. Lagare isip chairman sa committee on transportation ug ang bag-ong naghupot sa maong katungdanan si Kag. Odjok Acharon nga mibalibad usab gumikan dili matud pa niini kaya nga dumalahan ang mao nga katungdanan.