Gibuhian na ang kanhi magtatambag sa White House ni kanhi Presidente Donald Trump nga si Peter Navarro, sa federal nga bilanggoan sa Miami.
Nakompleto na niya ang iyang upat ka buwan nga sentensiya tungod sa pagbaliwala sa imbestigasyon sa komite sa kongreso sa kasamok sa Kapitolyo sa US niadtong Enero 6.
Gilauman nga moadto dayon siya sa Milwaukee aron motambong sa Republican National Convention diin pormal nga ma-nominate si Trump.
Si Navarro usa sa duha ka miyembro sa gabinete ni Trump nga napriso tungod sa pagbaliwala sa usa ka subpoena sa kanhing House Select Committee nga nag-imbestiga sa insureksyon kaniadtong Enero 6, 2021.
Ang una mao si Steve Bannon kinsa nagsilbi sa iyang upat ka bulan nga sentensiya sa usa ka federal nga bilanggoan sa Connecticut
