GENERAL SANTOS CITY – May napadad-an na ug show cause order sa mga kandidato dinhi sa syudad dungan sa pagkumpirma ni Comelec Gensan Election officer Atty. Sittie Sharmine Papandayan-Garangan.
Kini human gireklamo sa sayo nga pagpangampanya .
Nakadawat matud pa ug reklamo si Atty Garangan gikan sa mga concerned citizen kabahin sa pipila ka mga kandidato nga nagbutang ug tarpaulin hinungdan nga gikataho sa City COMELEC office.
Wala man gibutyag ni Atty Garangan kung taga asa nga barangay ang kandidato apan giingon lkamang nga gitangtang na ang tarpaulin.
Kini human nagpasidaan ang Commission on Election nga magbinantayon ang publiko aron itaho ang mga kandidato nga sayo nga nangampanya aron kalikayan ang pagtangtang sa mga nahisgutan ug dili na unya makaapil sa pinili-ay karong Oktobre 30.
Mensahe niini sa mga kandidatu nga sundon lamang ang regulasyon sa COMELEC aron dili makasuhan kung sila magmagahi sa pagsunod sa maong patakaran .
