GENERAL SANTOS CITY – Giila na karon sa mga otoridad ang grupo sa mga kawatan nga miatake sa mga establisiemento dinhi sa dakbayan ug kini mao ang grupo sa ‘Kandado gang’.
Kini ang gibutyag ni P/Chief Insp. Jovenson Bayona, chief of police sa Pendatun PNP human nga nakuha na ang hulagway gikan sa CCTV og nailhan usab sa uban pang biktima sa establisyemento kung asa usa lang ka grupo ang gapanulod og mga establisiemento gikan sa Lagao, AOR sa Pendatun Police Station, Bula Police Station og AOR sa San Isidro PNP.
Nakig-alayon na karon ang opisyal sa mga naasoyng presinto og pipila sa iyang cevilian asstes niini aron mailhan ang mga miembro sa maong grupo og makasuhan.
Kahibaluan nga kagahapon sa kaadlawon dihang gisulod sa mga kawatan ang Golden State College. Gibanabanaang 2 million pesos matud pa ang deklarasyon sa maong tulunghaan nga anaa sa registrant’s og cashiers office apan wala magmalampuson ang mga kawatan sa pagkuha niini.
Gikabutyag ang maong salapi mao ang pang-suweldo sa mga empleyado sa eskwelahan og ang gibayad sa mga graduating students.
Galaum si Bayona nga makakuha gilayon og lead aron makasuhan ang mga suspek
