Nalipay ang kampo sa mga biktima sa desisyon sa International Criminal Court o ICC nga ideklarang fit to stand trial ang kanhi Pangulong Rodrigo Duterte may kalabotan sa mga kaso nga giatubang niini tungod sa iyang kampanya batok sa iligal nga droga.
Matud sa mga representante sa mga biktima, dakong lakang ang maong desisyon aron mapadayon ang proseso sa hustisya ug matubag ang dugay nang gipangita nga tubag sa mga pamilyang nawad-an og mahal sa kinabuhi. Ilang giingon nga panahon na aron madungog ang tingog sa mga biktima ug mapanagot ang tanang responsable.
Dugang pa nila, ang desisyon sa ICC nagpakita nga walay labot ang ranggo o posisyon sa gobyerno sa pagpangpanubag sa balaod. Naglaum ang kampo sa mga biktima nga magpadayon ang husay ug patas nga paglilitis aron makab-ot ang tinuod nga hustisya.
Samtang niini, gipaabot nga sundon sa ICC ang sunod nga mga lakang sa maong kaso, samtang padayon usab nga ginabantayan sa publiko ang kalamboan sa maong isyu.
