-- ADVERTISEMENT --
Nagkita ug nagtigom ang kampo ni Vice President Sara Duterte ug ang House prosecution panel alang sa usa ka pre-impeachment trial conference isip pagpangandam sa umaabot nga impeachment trial sa Senado.
Ang maong panagtigom gihimo nga sirado sa publiko ug media ug nagsilbing unang pormal nga panagtagbo sa duha ka kampo sa wala pa mabuo ang impeachment court nga pagadumalahan sa mga senator-judges.
Sumala kang Atty. Michael Poa, sakop sa legal team ni Duterte, ang tumong sa pre-trial mao ang pagsiguro nga mahimong hapsay ug organisado ang pagdungog sa kaso.
Mitambong usab sa maong panagtigom ang House prosecution team nga gipangulohan ni Batangas Representative Gerville Luistro, uban sa mga pribadong prosecutor lakip si Atty. Lorna Kapunan.
