-- ADVERTISEMENT --
Gipakamenos sa kampo ni Filipino boxing champion Manny Pacquiao ang mga komento ug pagsaway bahin sa iyang pagbalik sa boxing ring tungod sa iyang edad.
Ang iyang dugay nang trainer ug childhood friend nga si Buboy Fernandez niingon nga sa edad nga 46, nasayod na siya kon tugotan na ba ang kanhi senador nga makaaway og balik.
Sa maong pangidaron, matod niya, wala pa niya makita ang kanhi boksidor nga tapolan sa training.
Nagpadayon gihapon siya sa iyang mga praktis ug sparring, diin wala siya mag-usik og panahon sukad sa pagsugod sa iyang pagbansay sa Los Angeles.
Si Pacquiao gikatakdang makigsangka kang World Boxing Council welterweight champion Mario Barrios karong Hulyo 20 sa Las Vegas.
-- ADVERTISEMENT --
