Nagplano ang kampo ni IBF welterweight champion Lewis Crocker nga hisgotan ang ideya sa pagpakig-away ni eight-division world champion Manny Pacquiao.
Si Crocker nahimong welterweight champion human gipildi si Paddy Donovan pinaagi sa split decision niadtong Septiyembre.
Karon, human madaog ang titulo, andam na usab si Crocker nga moaway og balik sa bag-ong away diin plano niyang makigsangka sa “Pinoy Pride” nga si Manny Pacquiao.
Matod ni Jamie Conlan, manager ni Crocker, nakontak na nila ang kampo ni Pacquiao. Kon dili madayon ang iyang away batok kang Rolly Romero, ilang hikayon ang Crocker batok Pacquiao.
Sa laing bahin, kahinumdoman nga human sa pipila ka tuig nga pagpahuway sa boxing ring, mibalik og aksyon si Manny Pacquiao diin nakigsangka siya kang WBC champion Mario Barrios nga natapos ang ilang away sa tabla.
