Dili mopresentar og alibi o magpatawag og mga testigo ang kampo ni kanhi Presidente Rodrigo Duterte sa umaabot nga ‘confirmation of charges hearing’ sa International Criminal Court (ICC) karong Septiyembre 23.
Base sa gisumite nga dokumento sa miaging Hulyo 24, gibutyag sa defense counsel nga si Nicholas Kaufman sa ICC Pre-Trial Chamber I nga dili nila gamiton ang unsa mang probisyon sa Article 31 sa Rome Statute aron likayan ang kaso ni Duterte.
Gihingusgan ni Kaufman, ang kredibilidad sa mga testigo ang dili hatagan ug dakong gibug-aton.
Sa iyang pamahayag nga ang sayo nga pagbutyag sa posibleng mga testigo sa depensa mahimong makahatag ug bentaha sa Prosekusyon sa pag-usab sa estratehiya niini.
Dili usab magsumite og written testimonial evidence ang depensa apan gisiguro nga dili madelatar sa ilang imbestigasyon ang dagan sa pagdungog.
