Nanawagan ang kampo sa negosyanteng si Charlie “Atong” Ang sa Department of Justice (DOJ) nga ibasura ang reklamong obstruction of justice batok sa iyang abogado nga si Atty. Caroline Cruz ug uban pang respondents may kalabotan sa kaso sa mga missing sabungero.
Matud ni Atty. Isabella Sabio, legal counsel ni Cruz, walay igo nga lig-on nga basehan sa balaod ang maong reklamo ug sayop usab ang mga alegasyon batok sa iyang kliyente.
Gipasabot ni Sabio nga ang pakigkita ni Atty. Cruz sa pipila ka pamilya sa mga missing sabungero niadtong Marso ug Abril gihimo lamang tungod sa hangyo sa mga kaanak niini.
Matud pa niya, ang gihatag nga tabang-pinansyal ni Cruz sa pipila ka pamilya alang sa pamasahe ug pagkaon boluntaryo lamang ug walay bisan unsang kondisyon o kapalit.
