Gikritika sa kampo sa negosyanteng si Atong Ang ang desisyon sa Department of Justice (DoJ) nga ikiha sila og kidnapping ug homicide tungod sa ilang kalambigitan sa pagkawala sa usa ka sabungero.
Matud ni Atty. Gabriel L. Villareal, abogado sa negosyante, miingon nga ang resolusyon dili patas sa akusado ug adunay daghang mga lusot.
Miingon siya nga ang resolusyon nagpunting sa kwestyonableng testimonya sa saksi nga si Julie Patidongan.
Giakusahan usab ni Villareal si Patidongan nga nagmaniobra sa proseso aron maluwas ang iyang kaugalingon.
Gikuwestiyon usab nila ang pag-ekskluwar sa DOJ sa mga importanteng tawo sa kaso.
Gihangyo nila ang Philippine National Police-Criminal Detection and Investigation Group (PNP-CIDG) nga imbestigahan pag-usab ang kaso.
Mahinumduman nga gikiha sa DOJ si Ang ug 21 pa og kidnapping ug homicide tungod sa pagkawala sa sabungero.
