Gihimakak sa kampo ni Alice Guo nga kaila sa kanhi mayor ang giingong big boss sa ilegal nga POGO sa Pilipinas nga sila si Lin Xunhan nga nailhan usab nga Lyu Dong ug Boss Boga nga nasikop sa Laguna niadtong Oktubre 10.
Matod sa abogado ni Guo nga si Atty. Si Stephen David, ang iyang kliyente nga si Guo giingong nitug-an kaniya nga wa siya makaila kang Lin. Gitataw usab niini nga si Guo walay relasyon sa POGO gawas lang sa Chinese national nga si Huang Zhiyang nga giingong nipalit og yuta kang Guo.
Gipanghimakak usab ni Atty. David ang mga alegasyon sa mitumaw nga saksi kinsa miingon nga nagtrabaho siya kaniadto ni Lin diin iyang nakita si Guo nga ilado nilang “Madam Wah” nga nakigtransaksyon sa ilang amo.
Matud pa ni David nga nasuko si Guo tungod kay walay kamatuoran ang mga pasangil sa maong saksi. Matud pa ni David nga maayo nga i-cross examine ang maong indibidwal aron masayran kung diin gikan ang iyang mga pamahayag.
