GENERAL SANTOS CITY – Gipaningkamutan pa sa kapulisan nga maimbestigahan ang kamatayon ni Ermilendo Sajul Sajulga, 74 anyos, residente sa Purok 9, Barangay Conel ning dakbayan nga usa sa mga person of interest sa kamatayon sa 7 anyos nga menor de edad nga si Princess Arian Cabucos.
Kini human nga aduna nay pagtugot sa pamilya nga iagi sa otopsiya ang patayng lawas niini.
Kahibaloan nga base sa impormasyon gikan sa mga kapulisan, gikaingong giunay pagkutlo sa biktima ang iyang kaugalingong kinabuhi milabayng gabii butang nga wala gituohan sa iyang pamilya.
Kahinumdoman nga nahimong person of interest ang biktima sa kaso nga pagpatay sa 7 anyos nga si Arian nga gikaingong gilugos, nakahiagom ug daghang bun-og ug bali sa lawas, lakip ang naangkon nga traumatic injury sa utok nga nasagulan ug dugo dayon gisulod sa sako ug gilabay sa kasagbutang bahin sa Purok 9, Barangay Conel.
Nakatakda usab nga ipagawas ang dagan sa imbestigasyon sa kaso ni Arian ug gihulat pa ang resulta sa DNA Test.
