Gipahibalo sa House of Representatives nga ilang gisuspenso ang pagdawat sa articles of impeachment batok kang Vice President Sara Duterte nga gibalik sa Senado.
Sa nahitabong plenary session, giaprobahan sa Kamara ang mosyon nga gisang-at ni House Deputy Majority Leader Faustino “Inno” Dy the Fifrt gikan sa Isabela, diin gipasabot nga maghulat una sila sa tubag sa clarificatory questions nga gikan sa House prosecution panel.
Gipunting sa mosyon nga wala pay klaro kung nganong gibalik sa Kamara ang mga impeachment complaint, ug unsay legal nga basehan niini.
Tungod niini, kinahanglan karon nga magsumite ang Kamara og duha ka dokumento.
Lakip niini ang sertipikasyon nga ang House misunod sa tanang constitutional requirements sa pagsang-at sa verified complaints batok ni Duterte.
Usa ka resolusyon nga nagsiguro nga ipursige sa 20th Congress sa House ang proseso sa impeachment ug ang pag-prosecute sa kaso.
Giklaro ni Batangas Representative Gerville Luistro nga ang maong lakang wala nagpasabot og paglapas o pagbastos sa proseso, kundili usa ka pamaagi aron masiguro nga husto ang legal nga lakang nga ilang buhaton.
