Gisugdan na ug trabaho sa House of Representatives ang Magna Carta for Barangays proposal ug ang dugang sa pagpasiugda nga ang mga opisyal sa barangay mahimong miyembro sa Social Security System ug adunay unom ka tuig nga termino.
Mao kini ang gibutyag ni Speaker Ferdinand Martin Romualdez sa National Congress of Luga ng mga Barangay bag-ohay lang.
Matod ni Romualdez, ang gipasiugdahan sa Kamara nga ang tanang opisyal sa barangay mahimong sakop sa SSS nga walay bayad aron aduna silay mga benepisyo susama sa life insurance ug lifetime pension inig-retiro na nila. Dugang pa niini nga niduso siya og proposal sa Kamara nga himoong unom ka tuig ang termino sa barangay officials aron ilang mahuman ang ilang mga proyekto nga makaayo sa ilang mga konstituwente.
Nanawagan usab kini sa mga opisyal sa barangay nga moapil sa diskusyon ug maghatag sa ilang mga sugyot aron mapalambo ang ilang mga benepisyo.
Giila usab niini ang importansya sa mga opisyal sa barangay sa mga komunidad sa nasudnong kagamhanan sa paghatag og serbisyo.
Duagng pa ni Romualdez nga gitun-an sa Kamara ang pagpasa sa sugyot nga tugotan ang mga lokal nga kagamhanan sa paggahin ug pundo nga gamiton sa pagbayad sa SSS premium sa mga opisyal sa barangay.
