Nirekomenda ang House of Representatives pagpasaka og kaso batok kang Bise Presidente Sara Duterte ug uban pa tungod sa giingong technical malversation, perjury, bribery ug plunder.
Ang mga sumbong may kalabotan sa dili husto nga paggamit sa confedential funds sa Office of the Vice President ug sa Department of Education Sa plenary session nga gipahigayon kagahapong adlawa , giaprobahan sa ubos balay balauranan ang committee report sa House Committee on Good Government and Public Accountability, nga maoy nagpahigayon sa pagdungog sa kaso.
Base sa committee report, ilang gikompirma sa committee hearings nga mokabat sa P50 milyones nga public funds ang nakolekta samtang ang confidential funds wala magamit sa husto nga mokabat sa P612.5 milyones.
Si Committee Chairperson Rep. Joel Chua midugang nga si Duterte mao lamang ang unang bise presidente nga niwaldas sa confidential funds, diin kapin sa P125 milyones ang nagasto sulod sa 11 ka adlaw. Kahinumduman nga nang gihimakak sa Bise Presidente ang mga alegasyon nga gipasaka batok kaniya.
