Human ang mainitong pagsugat sa pagbalik sa nasud sa mga atleta nga midula sa 2024 Paris Olympics sa Malacañang, usa ka Congressional Reception usab ang giandam sa Kamara para kanila.
Dinhi pormal nga itunol ang mga resolusyon og pag-ila sa Filipino athletes nga nag-representa sa Pilipinas sa natapos lang nga Olympic Games.
Lakip niini ang Congressional Medal of Distinction alang kang Bronze Medalists Nesthy Petecio og Aira Villegas og ang Congressional Medal of Excellence alang usab kang Double Gold Winner Carlos Yulo.
Dinhi usab itunol ang cash gifts alang sa mga atleta.
Isip pag-ila usab sa kalampusan sa mga Pilipinong atleta nga midaug sa Olympics giduso ni Speaker Martin Romualdez ang paghatag og mga benepisyo sa mga nasampit sama sa lifetime pension.
Hinungadn nga gimando ang pagrepaso sa Republic Act 10699 o ang “National Athletes and Coaches Benefits and Incentives Act” aron masayran kung kinahanaglan kini nga amyendahan.
“Nais din nating amyendahan ang RA 10699 upang mapabuti at mapataas ang mga benepisyo para sa ating mga pinararangalang atleta at kanilang coaches,” pahayag ni Speaker Romualdez.
Matod kang Speaker Romualdez, pangayuon sa Kamara ang mulo sa mga atletang Pilipino ingon man ang ilang mga coach sa paghisgot sa sugyot.
