SARANGANI PROVINCE – Gihingusgan ni Dr. Arvin Alejandro, provicial health officer sa Sarangani Province nga wala nila gikatingala nganong kalit nga midaghan ang kaso sa COVID 19 sa probinsya apan kini ilang gikaalarma.
Matud pa kang Dr. Alejandro nga kini gumikan sugod Mayo 1, 2021 ilang gihimo ang risk based targeting testing.
Sa iyang pamahayag nga sa lugar nga taas ang kaso sa COVID 19 ilang ipahigayon ang pagtest sa daghang mga residente aron madetermina kung negatibo o positibo sa virus.
Sa iyang pamahayag nga migamit sila og antigent test kit kung asa siento porsiento nga postibo sa maong matang sa test ang positibo usab sa RT- PCR Test.
Sa pamahayag ni Dr. Alejandro nga mao usab ang nahitabo sa Kiamba og sa Alabel nga sa miaging mga semana daghang kaso sa COVID 19 ang natala tungod sa gihimong risk based targeting testing.
Kahibaluan nga sa miaging Mayo 26, anaa sa 74 ang kaso sa COVID 19 nga natala sa Maitum, 20 sa Kiamba, 13 sa Alabel, 10, sa Malungon og Maasim, upat sa Malapatan og usa sa Glan hinungdan nga kapin sa usa ka gatus ang kaso sa COVID 19 nga natala sulod sa usa ka adlaw.
