Malampuson nga gihimo kagabii ang closing ceremony sa Kalilangan Festival 2026 sa Pioneer Avenue, diin gidagsa ang libuan ka mga tawo nga niduaw ug ning-apil sa kasadya. Ang gabii napuno sa hayag ug makalingaw nga mga fireworks nga nagpasiga sa langit, samtang ang mga katawhan nagtan-aw ug nalipay sa maanyag nga pasundayag sa sikat nga artista nga si Piolo Pascual.
Mapasalamaton ang lokal nga panggamhanna sa maong kalampusan nga nagpakita sa pagkahiusa ug kadasig sa katawhan.
Gipasidunggan usab ang General Santos City Police office tungod sa ilang maayong pagdumala sa seguridad, nga nagpasiguro nga walay insidente ug luwas ang tanan nga nanambong. Ang maayong koordinasyon sa lokal nga gobyerno ug kapulisan nagpanguna sa kalampusan sa Kalilngan Festival 2026.
Ang Kalilangan Festival nagpamatuod sa kusog ug kadasig sa komunidad sa Gensan nga maghiusa sa pagselebrar sa kultura, tradisyon, ug kalambuan sa siyudad
