GENERAL SANTOS CITY – Dili sala sa miaging mga opisyal sa syudad ang kalangan sa pagtrabaho sa underpass project nga nahimutang sa national Highway junction Mabuhay road ug Bulaong avenue.
Kini ang tubag ni Engineer 1 K R Bantayan sa Bureau of Construction sa Department of Public Works and Highways.
Kini human mitungha ang nahisgutang Opisyal human gipatawag sa Konseho ning syudad.
Atul sa ika 89 nga regular sesyon sa Sanggunian Panlungsod gipresenta ni Engineer Bantayan ang mga revision sa nahisgutang proyekto sa deleberasyon niini sa estado sa mega project.
Kini human nagpagawas ug pahayag si City Administrator Franklin Gacal Jr. nga napalpak ang nahisgutang proyekto gumikan sa miaging administrasyon.
Matud ni Engr. Bantayan nga walay kalabutan niini ang kinsa mang opisyal sa syudad human nalangan ang pagtrabaho sa underpass kini human nasudlan ug tubig dihang gikotkot ang silong nga bahin.
Gumikan matud pa niini gi revise ang desenyo ug approval na lamang kulang sa Bureau of design.
Nasuta nga sa maong proyekto adunay lima ka package nga gigahinan ug milyon milyon nga pundo.
