Gigamit matod pa isip depensa sa kanhi opisyal sa Department of Public Works and Highways o DPWH nga si Felizardo Casuno ang alegasyon nga kulang o walay igo nga construction equipment aron hustong maberipeka ang giladmon sa steel sheet piles sa usa ka road dike project sa Oriental Mindoro.
Kauban si Casuno sa mga akusado, lakip si kanhi Ako Bicol Representative Zaldy Co, sa kasong malversation nga may kalabotan sa P289.4-milyong Sunwest project sa Naujan.
Sumala sa abogado ni Casuno, mopamatuod si Jonathan Araullo sa DPWH Region IV-B bahin sa kakulang sa equipment nga gikinahanglan aron matino kung nagsunod ba sa standards ang pagkabit sa sheet piles.
Dili hinuon kini uyonan isip stipulation sa prosecution tungod kay dili niini makumpirma ang maong alegasyon.
Nakatakdang motestigo si Araullo sa Setyembre 29, samtang si Casuno motubag sa mga pangutana isip witness sa Oktubre 1.
Samtang, giingon ni DPWH Secretary Vince Dizon nga sa iyang inspeksyon niadtong Setyembre 2025, nadiskobrehan niya nga tulo lamang ka metros ang giladmon sa steel sheet piles sa proyekto, kumpara sa 12 metros nga gikinahanglan.
