GENERAL SANTOS CITY – Init gihapon ang panahon apan may mga panganod na nga makita sa kawanangan hinungdan dali na lang ang pag-ulan.
Apan ang bati-on nga kainit ang dili na susama sa miaging mga semana sa wala pa matigayon ang pag-ulan nakalabay nga semana.
Matud ni Binrio Biñan, PAGASA Gensan Meteorological Chief nga may nasinati-an nga easterlies nga nakaapekto sa tibuok nasud nga magdala ug panganud ug kasagaran hawan ang kalangitan apan adunay hinay nga pag-ulan kasagaran sa mga bukirong bahin.
Matud niini nga wala pa hingpit mawala ang El Niño Phenomenon hinuon nagkahinay na ang init luyo nga niining bulana adunay ulan nga masinati-an.
Gihatagan usab ug eksplanasyon ang nahitabo nga pag-ulan nga adunay yelo nga napunitan ang mga residente.
Giangkon niini nga yelo gayud ang napunitan sa mga residente nga nasagul sa ulan.
Didto matud pa sa stratosphere bugnaw kaayo ang lugar nga sagad mahimo nga yelo ang tubig nga naa sa panganud.
