Giangkon ni City PNP Director Col. Nicomedes Olaivar Jr. nga kagustuhan sa mga staff sa Camp Fermin Lira Jr. ang magpahigayon ug reshuffling sa mga Chief of Police.
Ang pag-angkon ni Col. Olaivar natigayon dihang natapos ang pormal turnover ceremony sa walo ka Hepe sa bag-o nila nga field of assignment.
Migawas matud pa ang hisgutanan sa reshuffling human ang brainstorming sa mga staff sulod sa kampo.
Rason matud pa sa wala gipanganlan niini nga mga staff nga dili maayo magdugay sa police station ang usa ka Chief of Police.
Gikumpirma ni Olaivar nga adunay Hepe nga hapit na magduha ka tuig sa posisyon samtang uban presko pa lamang sa posisyon.
Gipaniguro niini nga ang tanan nga hepe sa kapulisan sa dakbayan ang tested na sa posisyon.
Gani ang gihimo nga paglahugay ang kabahin matud pa sa pagpalig-on sa ilang pagpangalagad human gipataas niini ang ratings sa General Santos City Police Office sa MinDa human nakuha ang 99 % nga ratings.
