GENERAL SANTOS CITY – Giangkon ni Mayor Ronnel Rivera nga adunay mga barangay ang nag-salo sa paggamit sa Barangay Isolation Unit.
Matud pa sa mayor, gimanduan ang tanang kapitan nga makaangkon ug kaugalingong Barangay Isolation Unit apan adunay pipila ka barangay ang nagkaproblema tungod nagdumili ang principal sa pagpagamit sa eskwelahan aron mahimong isolation facility.
Gibutyag ni Rivera, hugot ang koordinasyon sa syudad sa Deped aron mapagamit ang ilang eskwelahan tungod sa karon padayong gapangita og lugar alang sa pag-angkon ug mas daghang covid facility, isolation center og quarantine facility nga preparasyon sa paspas nga pagsaka sa kaso sa virus.
Sa pamahayag sa mayor, ang ginadala lang sa ospital mao ang mga nakasinati og mild-to moderate symptoms sa covid og ang asymptomatic ang gibulag sa usa ka lugar.
Sa karon napuno na ang Buayan facility sa mga gibutang nga positibo sa covid 19.
