-- ADVERTISEMENT --
GENSAN- Gibutyag ni Christian John Paul Oracion, SSC Secretary sa Ramon Magsaysay Memorial Colleges, ang dakong importansya sa partisipasyon sa White Sunday nga usa ka kalihokan nga nagpanawagan batok sa korapsyon ug nag-awhag sa hustisya sa nasod.
Matod ni Oracion, ang maong solidarity event naghatag ug oportunidad sa kabatan-onan nga ipakita ang ilang pagpamati ug pakabana sa nagpadayong mga isyu sa gobyerno, subay usab sa pamulong ni Jose Rizal nga “ang kabataan ang pag-asa ng bayan.”
Giingon niya nga ang pag-apil sa White Sunday usa ka pamaagi aron mubarog sa husto ug mapadungog ang tingog sa kabatan-onan, nga maoy naglahutay nga kaisog ngadto sa pagpanawagan alang sa kausaban ug kahapsay sa nasud.
