Gipasigarbo sa Filipino-American NBA star nga si Jordan Clarkson ang iyang pagka-Pilipino sa championship parade sa New York Knicks sa Manhattan human nakadaog ang team sa ilang unang kampiyonato sulod sa 53 ka tuig.
Sa mga litrato ug video gikan sa selebrasyon, nakita si Clarkson nga nagsul-ob ug nagputos sa bandila sa Pilipinas samtang miapil siya sa iyang mga kauban sa team sa parada nga gitambongan sa liboan ka mga fans.
Ang parada nagsugod sa Bowling Green ug natapos sa City Hall, nga miagi sa “Canyon of Heroes.”
Isip kabahin sa tradisyonal nga ticker-tape parade, ang team gipaulanan og kapin sa 2,500 ka libra nga recycled confetti.
Ang championship makasaysayanon usab alang kang Clarkson, kinsa nahimong unang Filipino-American nga magduduwa nga nakadaog og NBA championship human gipildi sa Knicks ang San Antonio Spurs sa lima ka duwa sa NBA Finals.
Naa usab sa finals series ang iyang kaubang Filipino-American nga si Dylan Harper, kinsa nagduwa alang sa Spurs.
Kahinumduman nga si Clarkson nakarepresentar usab sa Pilipinas sa internasyonal nga kompetisyon isip kabahin sa Gilas Pilipinas, lakip na ang iyang pag-apil sa 2018 Asian Games ug sa 2023 FIBA World Cup
