GENERAL SANTOS CITY – Bag-o na ang labaw sa Joint Task Force-Gensan.
Kini mao si Col. Adonis Bajao nga kanhing nahimong commander sa 78th Infantry Battalion sa Leyte ug miyembro sa PMA Class of 1989.
Gihulipan niya sa posisyon si Col. Eduardo Gubat.
Atul sa turnover ceremony nga natigayon kagahapong adlawa, atubangan sa mga opisyal sa lokal nga panggamhanan, mga negosyante ug uban pang lider sa gobyerno, misaad si Col. Bajao nga nga tutukan niini ang pakigbatok sa terorismo dinhi sa dakbayan, nga maoy marching order kaniya sa 10th Infantry Division.
Samtang, sa pakighinabi sa Bombo Radyo, isip bag-ong labaw sa JTF-GenSan, galaum matud pa si Col. Bajao nga makigtambayayong ang tanang sektor sa gobyerno, mga negosyante, pampubliko ug pribado, lakip ang mga sibilyan, hilabi na nga responsibilidad sa tanan ang pagbantay aron mapanigurong luwas, hapsay ug malinawon ang usa ka lugar.
